Libres, desobedientes e feministas, para mudalo todo!

Contacta!

un espazo vivo de encontro aberto á participación e ás propostas feministas

Quen somos?

Porque nace a PFG?

A Plataforma Feminista Galega nace porque…

  • Queremos o compromiso real para a construción dunha sociedade onde non teña cabida o terrorismo machista.
  • Queremos unha sociedade na que o importante sexamos as persoas e non os mercados.
  • As persoas somos donas do noso propio corpo, por iso somos libres para decidir sobre el, gozar e relacionarnos con quen nos dea a gana.
  • Queremos unha sociedade diversa onde se respecten as múltiples formas de de vivir o sexo e a sexualidade.
  • É imprescindíbel incorporar o enfoque feminista nas políticas económicas, nos servizos públicos, na creación doutro modelo de cidade e nas políticas ambientais.
  • Desde o movemento feminista reivindícamos a visibilidade do traballo de coidados que realizamos as mulleres, dándolle unha proxección política. Dar valor a este traballo non é só unha cuestión de recoñecemento tamén supón defender a liberdade das mulleres e esixir que se convirta nunha responsabilidade social compartida.
  • Esiximos que todas as mulleres inmigrantes teñan dereito a gozar dos servizos públicos sen discriminación.
  • Esiximos o uso dunha linguaxe que nomee a todas as persoas e estea libre de homofobia, machismo e racismo.

Por isto e por moitas razóns máis constituímos este espazo e chamamos a todas as mulleres e organizacións que queiran a se sumaren.

Que é a PFG?

A Plataforma Feminista Galega é unha organización feminista independente que reúne a mulleres de diversas procedencias políticas que asumen o compromiso social de loitar contras as violencias machistas e que tanto de forma individual como integradas en coletivos levamos tempo traballando xuntas e por iso decidimos construír un espazo de traballo común no que podamos sentarnos a debater, a loitar xuntas.

Consideramos ao patriarcado e ao sistema capitalista como elementos que se complementan. O sistema patriarcal é anterior ao capitalismo, por iso a destrución do sistema capitalista non implica a destrución do patriarcado, xa que o sistema patriarcal é unha estrutura transversal que afecta a todas as clases sociais.

Organizámonos de forma totalmente ASEMBLEARIA, entendendo unha asemblea como un espazo de debate na procura de consenso, onde todas as nosas voces teñen a mesma validez; e a autoxestión como forma de financiamento.

Loitamos polos dereitos da muller a decidir sobre o seu corpo e a súa vida persoal. A SEXUALIDADE debe estar caracterizada por relacións libres entre persoas, sen tabús nin opresión sexual.

Rexeitamos a división sexual do traballo que se impón nas nosas vidas e no mercado laboral, afectando os salarios, despedimentos improcedentes e os roles condicionados ao xénero.

Reivindicamos por tanto a igualdade social, política e laboral entre homes e mulleres.

Aínda que compartimos ideoloxías de ESQUERDAS, a Plataforma Feminista Galega non está ligada a ningunha corrente política concreta, nin desexa ser asociada a ningún partido, organización ou sindicato.

Consideramos igual de importante tanto a ACCIÓN social e a loita continuada nas rúas, como a FORMACIÓN e concienciación persoal e a construción dunha teoría feminista sólida.

Se estás interesada, convidámoste a vir coñecernos e a participar nas nosas asembleas. Contacta. Combate o sexismo!!

Quen formamos a PFG?

A Plataforma Feminista Galega é unha organización feminista independente que reúne a mulleres de diversas procedencias políticas.

Poden ser integrantes da Plataforma Feminista Galega todas aquelas mulleres que así o soliciten e que desexen participar e traballar neste espazo feminista galego sempre que amosen ter interese nos fins da mesma. A participación pode ser ben de xeito individual ou ben en representación dun colectivo ou organización afín que colabore e cumpla cos protocolos estabelecidos polas asembleas locais e a PFG no seu conxunto.

A participación desta base social no traballo cotián da PFG é aberta, directa, e democrática canalizándose a través dos grupos de traballo local nas súas actividades locais e nas asembleas periódicas. Entendemos que esta actividade e forma de nos organizar é un dos principais fundamentos, sen os que non ten sentido unha organización como a nosa, e por iso definímonos en primeiro lugar como unha asociación.

Somos unha organización aberta, inclusiva, plural, atenta a todos os puntos de vista de quen loita pola transformación social para rematar coas violencias machistas e quere acadar a igualdade efectiva entre mlleres e homes, pero orgánica e politicamente independente.

Contamos ademais co apoio de colectivos sociais e de organizacións que se identifican cos nosos obxectivos e colaboran connosco en accións de sensibilización e denuncia.

Entre as nosas asembleas anuais funciona unha coordenación nacional composta polas vogalías que cada grupo de traballo local propón para a súa representación. A Xunta directiva da asociación é elixida anualmente pola Asemblea Xeral.

Temos como normas a austeridade e a eficiencia no emprego dos recursos dos que dispomos; o funcionamento democrático e en equipo na xestión; e, en coherencia cos nosos principios, unha xestión económica transparente, sometida a un seguimento periódico pola coordenación nacional que ademáis será difundida no noso espazo web na nosa memoria anual.

Os nosos obxectivos
  1. A defensa e loita polos dereitos das mulleres constituíndose, pois, en canle de denuncia de situacións especialmente gravosas para elas.
  2. Traballar en todos aqueles aspectos que atinxan as mulleres en todos os ámbitos: social, político, sanitario, económico, laboral… loitando e defendendo as formulacións en favor da igualdade das mulleres en todos os aspectos.
  3. Propoñer solucións e instar aos gobernos para que impulsen e fagan cumprir as disposicións legais que posibilitan que as mulleres gocen das mesmas oportunidades en todas as esferas da súa vida (medio rural, civil, económica, social, cultural, política, etc.).
  4. Divulgar o respecto, desenvolvemento e efectividade dos dereitos humanos das mulleres.
  5. A promoción e desenvolvemento de estruturas que posibiliten a loita contra a violencia machista, solicitando os apoios sociais e/ou institucionais necesarios para a súa erradicación.
  6. Potenciar a relación entre os distintos estamentos que interveñen no proceso de loita contra a violencia de xénero, fomentando así a conxunción de distintas experiencias e perspectivas na busca da necesaria eliminación de toda forma de violencia contra as mulleres.
  7. A defensa dos dereitos LGTBI e a denuncia das agresións ao colectivo, nomeadamente das mulleres que o integran.
  8. A loita contra a explotación, trata e escravitude sexual.
  9. Fomentar os valores dos feminismos a través da coordinación, realización e preparación de actividades con distintos organismos.
  10. A construción dun movemento feminista combativo e unitario, con base nos valores de colectividade, solidariedade e apoio mutuo.
  11. A coordinación, colaboración e traballo conxunto con outros espazos feministas e movementos sociais co fin de transversalizar o discurso feminista en todos os espazos de loita existentes así como o seu tratamento.
  12. A coeducación así como o seu tratamento a través da súa análise coeducativo no conxunto da súa complexidade e diversidade de temáticas adaptado a todos os niveis educativos.

!!!

Grupos de traballo locais

Ames

Contacta co grupo no enderezo: pfeministaames[@]gmail.com

Coruña

Contacta co grupo no enderezo: pfgcorunha[@]gmail.com

Compostela

Contacta co grupo no enderezo: pfgcompostela[@]gmail.com

Vigo

Contacta co grupo no enderezo: plataformafeministagalegavigo[@]gmail.com

Novas

Que non decidan por nós!

Que non decidan por nós!

Diante da convocatoria de eleccións para esta fin de semana nas que o PP quere procurar un aval electoral ás súas políticas de recortes as mulleres que formamos parte de PFG non podemos nin queremos deixar de facer público o noso posicionamento. As enquisas reflicten...

Alternativas e propostas feministas para os programas electorais

Alternativas e propostas feministas para os programas electorais

As liñas xerais das nosas propostas corresponden á observación da realidade da poboación, das solucións á vida comunitaria postas en andamento no noso entorno e as súas carencias. Forman parte do proxecto feminista en continua elaboración. Proxecto para unha vida máis...

Skip to content