A Plataforma Feminista Galega é un espazo vivo de encontro e de relación, aberto á participación e ás propostas de todos os feminismos
fins da Plataforma Feminista Galega
- A defensa e loita polos dereitos das mulleres constituíndose, pois, en canle de denuncia de situacións especialmente gravosas para elas.
- Traballar en todos aqueles aspectos que atinxan as mulleres en todos os ámbitos: social, político, sanitario, económico, laboral, etc. loitando e defendendo as formulacións en favor da igualdade das mulleres en todos os aspectos.
- Propoñer solucións e instar aos gobernos para que impulsen e fagan cumprir as disposicións legais que posibilitan que as mulleres gocen das mesmas oportunidades en todas as esferas da súa vida (medio rural, civil, económica, social, cultural, política, etc.).
- Divulgar o respecto, desenvolvemento e efectividade dos dereitos humanos das mulleres.
- A promoción e desenvolvemento de estruturas que posibiliten a loita contra a violencia machista, solicitando os apoios sociais e/ou institucionais necesarios para a súa erradicación.
- Potenciar a relación entre os distintos estamentos que interveñen no proceso de loita contra a violencia de xénero, fomentando así a conxunción de distintas experiencias e perspectivas na busca da necesaria eliminación de toda forma de violencia contra as mulleres.
- A defensa dos dereitos LGTBI e a denuncia de todas as agresións heteropatriarcais ó colectivo.
- A loita contra a explotación, trata e escravitude sexual.
- Fomentar os valores dos feminismos a través da coordinación, realización e preparación de actividades con distintos organismos.
- A construción dun movemento feminista combativo e unitario, con base nos valores de colectividade, solidariedade e apoio mutuo.
- A coordinación, colaboración e traballo conxunto con outros espazos feministas e movementos sociais co fin de transversalizar o discurso feminista en todos os espazos de loita existentes así como o seu tratamento.
- A coeducación así como o seu tratamento a través da súa análise coeducativo no conxunto da súa complexidade e diversidade de temáticas adaptado a todos os niveis educativos.